首页 > 新闻 > 港澳 > 正文

区诺轩”突然变返英雄” 被回带闹爆

区诺轩鼓吹”自决”,又曾公然焚烧基本法,系咪好勇武呢?不过,所谓”讲就凶狠,做就毓民”,区诺轩真系咁勇,定系只剩抽水嘅小人?原名叶键濠嘅商业电台节目主持”健吾”呢轮频频回带,闹爆区诺轩。在选举结束,区诺轩当选立法会议员后,佢随即转发帖子,回带返2013年区诺轩借香港电视网络发牌事件抽水嗰单嘢。

话说2013年,反对派借香港电视网络不获政府发牌为由发动大游行,身为搞手之一、时为”左翼廿一”成员嘅区诺轩,被揭发在未获同意下,私自用香港电视网络员工的名义筹款。

当时,”香港电视网络职工会”同日在facebook专页上发表声明澄清,并没有发起任何公开筹款。”左翼廿一”实时与区诺轩划清界线,话系有”义工”在”未知会”他们的情况下设立。区诺轩最后不得不道歉,话会将钱代工会捐畀乐施会咁话。

“呃钱的X街成为立法会议员”

La Belle Epoque老板娘Billie Ng(吴斯翘)昨日就转发返香港电视网络职工会当年针对呢件事所发嘅声明,仲发帖话:”五年后,呃钱的×街成为立法会议员。我真有品等佢当选先post出来。”fb专页”Angryangry”就截咗张帖,质疑道:”你地(哋)失忆呀。”

“健吾”就喺自己fb转发佢个转发,标注道:”大家都失忆。”网民”Raymond Koo”留言揶揄:”一直觉得区议员(区诺轩)熟口熟面,多谢提醒。””John Law”道:”原来港岛人系支持借人地(哋)集会呃钱的人!””球三”就揶揄:”香港人嘛,有乜所谓啫,最紧要搵食。”

“Gum Li”就仿反对派口气狠骂道:”『我知佢乜乜乜,但都要团结重点系唔比(俾)保皇党赢』:所以呢种×家铲先仲可以一再洗底突然变返英雄。理论中唔系佢哋失忆,而系大部分人根本就唔知!””Chris Plant”就欲言又止咁话:”呢个只系其中一个(我)无去投票,『团结』支持区诺轩嘅原因。”

来源:文汇网

相关阅读
关键词: 英雄