首页 > 新闻 > 港澳 > 正文

“本土”称含泪过票 叫咖喱饭别忘恩

恨议席恨到出烟、成日打所谓”本土”旗号嘅”新民主同盟”咖喱饭(范国威),为咗争赢新界东嗰议席,一直都谂尽办法入去”本土民主前线”梁天琦嘅票仓,希望乞得一票得一票,但啱啱完咗补选,咖喱饭都未赶得切谢票,就被唔少”本民前”嘅支持者揶揄,话佢喺反对派入面太多”牙齿印”,班激进”本土派”支持者真系宁愿含泪投白票嘞。不过范国威今次真系赢咗,有啲激进”本土派”就即刻话,佢哋其实过咗好多票畀佢喎,摆明叫咖喱饭唔好”忘恩负义”。

范”乞票乞到上心口”

网民”Ho Ming Ho”批评,范国威以前一向无点支持”本土派”,今次为咗乞票,竟然应承一旦当选,就会系议员办事处拨资源关注”在囚抗争者”同囚权问题,真系”乞票乞到上心口”。网民”Lulu Chung”就好疑惑,问大家:”『泛民』支持者今次要点拣,咖哩(喱)味既(嘅)屎,定屎味既(嘅)咖哩(喱)?”

不过讲到底,大家都系为咗争权夺利,网民”Ron Wong”就话:”本土出唔到人,无办法,投范国威畀佢拎住十万人工先!”忠实护法”Max Yu”就立即澄清,”建制派邓家彪有『铁票』撑腰,范国威集结『本土派』支持都好正常”,”Kitty Mok”就随即反驳,”阿彪咁多年尽心尽力为小区,自然有『铁票』支持,好过范国威无腰骨要乞票!”

成班激进”本土派”讲到射落海都唔益咖喱饭咁,但事实系咪真系咁呢?”独派”组织”勇武前线”就同佢计数:”(新界东)总投票人416,000,有効(效)票为412,235,即系话有3,765票射咗落海!上次投(梁)天崎(琦)的66,524票有一半去了保长(方国珊)身上,另一部分已经含泪投咗个冚×产(铲)(咖喱饭)身上!”

数一数票数 范多过杨岳桥

“独派”中人”陈光明”亦话:”范国威超过18万票当选,超过杨岳桥(20)16年补选16万票,最少有两万四千个新东本土派含泪投范!”

“Siu Yee”更打埋开口牌:”相信新民主同盟团队会好好向选民谢票,尤其应该特别鸣谢投比(畀)范国威既(嘅)本土派。要泛民支持者投本土派领袖都要突破心理关口,将心比己,唔系甘(咁)易做。睇范国威18万+既(嘅)票数,相信都有唔少本土派最后投比(畀)佢。比起聚焦焦土,更加应该多谢呢一班本土派。”

咖喱饭选举告急时叫激进”本土”过票畀佢,现在真系有人过咗票,咁佢会点报答佢哋呢?当选咗立法会议员,有由公帑支付嘅各种开销,如果”港独”分子因为”突然”有资源再搞事,相信大家都会知咩事。

来源:文汇网

相关阅读
关键词: 咖喱饭 本土