首页 > 新闻 > 香港 > 正文

【网议政事】"612"筹过亿 竟叫"手足"申法援

大台呻穷话律师费贵唔够分 被质疑"法律支援"藉机发财

大台成日叫人捐钱就咩法宝都尽出,啱啱嗰个星期日筹款时仲播埋《愿荣光归香港》呢啲"港独"歌,但要使钱落所谓"义士"度时,就开始斤斤计较。日前,有"女义士"踢爆"612人道支援基金"唔人道,唔肯批钱畀佢请律师,令到佢要弃用原本律师团队,改用法援素未谋面嘅律师。可能俾人闹得太犀利,"612"前晚跳出嚟同大家"计数",话如果个个都要用自己嘅首选律师,基金好快干塘,所以大家要先申请法援。有网民反问,点解前线"手足"无偿付出,但啲"义务律师"唔收顺啲。喂阿哥,佢哋唔赚被告钱赚边个钱啫!

筹完9,000几万做"人道支援",但结果叫人"申请法援",唔"关公"灾难就奇。"612"前日再喺facebook解画,话有成500几人被告暴动,如果每人要180万去打官司,支援大概30人就会干塘,所以如果大家唔想筹够9亿嘅话,"手足"一定要先申请法援。

至于"612"嘅角色, 就系喺"裁判法院阶段"最多每日资助1.2万畀啲被告请律师,喺区域法院、高院或上诉时去为成功申请法援者提供"法援分担费",或者帮申请唔到法援嘅人畀返法援水平嘅律师费用咁话。

打官司开价180万都算"义务"?

啲黄丝热情捐款,都冇谂过"612"又要拣case、又要畀"最低工资"人㗎嘛,于是网上又骂声一片。"热狗"副主席郑锦满就留言质问:"『前线手足』无偿付出自由,律师反而要收足费用?唔系『义务律师』吗?""热狗"马启聪亦质问班黄色律师点解好意思收人一个case 180万,"你如果系谂住当正做生意嘅话,你早啲讲明吖嘛,扮乜嘢『人道支援』啫。"

原名叶键濠嘅商业电台节目主持健吾又谂唔明点解大台永远悭"义士",唔去悭律师,"『义士』系免费,法律专业就要收钱。呢点我系谂唔通嘅。"

谭香文叫民阵"星火"公开账目

身为同路人嘅黄大仙区议员谭香文都开post批评,仲辣埋永远唔公开筹到几多、用咗几多钱嘅"星火同盟"︰"『612』同『星火』呢两个基金收咗过亿捐款,但到前线『手足』要打官司、法律支援既(嘅)时候就叫人申请法援,系咪呃钱?"佢仲挑机叫"612"同"星火"畀盘数独立专业人士睇,身为会计师嘅吤繨雃菑v可以分文不收咁帮手

唔少网民都有类似睇法,"Terry Wong"问:"点解要一百八十万,『泛民』律师唔可以收平啲?""Victor Lau"亦问:"公民党班大状可否义务协助呀?佢哋唔系想赚呢啲钱呀?"

"泛民"咁多大状点解唔义助?

"Joe Tse"直言:"大状单单一百几十(万),而大家捐钱既(嘅)好多系连楼都无。""Phoebe Wong"道:"既然个个都靠法援,咁不如『612』直接拎返市民支援『抗争者』果(嗰)一亿出嚟,分返俾(畀)被告嘅『抗争者』,等佢地(哋)自己决定做安家费定俾(畀)钱搵个令自己安心嘅律师打官司啦,至少大家知D(啲)钱真系帮到『抗争者』,而唔系市民捐钱帮班『泛民』律师发国难财,买多两层楼囉。"

"Phoebe Wong"仲话︰"『612』宁愿花D(啲)钱系(喺)个用一次嘅游行音响到(度),都唔肯用系(喺)个为香港付出所有,只求唔使转律师,可以用返令自己安心一点嘅律师嘅condom(避孕套)『抗争者』身上,仲(话)『手足』喎!"

来源:文汇报