首页 > 新闻 > 香港 > 正文

监察新科议员:陈梓维狂错字 被讥"梓维体"

星岛环球网消息:文汇网讯 家要创造新嘅文字风格,唔需要文学造诣,例如民主党邝俊宇就因为乱用逗号创造出"邝体",而油尖旺区议员陈梓维就因为唔识字而创下"梓维体"。陈梓维日前接受《苹果日报》访问,成段访问片段可以话系全方位咁展示出佢嘅无能,直到最后要佢写"逆转"两只字时,佢先用语音打咗个字出嚟,睇完依然写错晒两个字(图),俾人揶揄呢啲字叫"梓维体"。唔少人亦都开始学佢乱写字去各抒己见,例如以"找直必拲熹尔(我真心恭喜你)",去耻笑班投票畀佢嘅选民囉。

《苹果》嗰段近18分钟嘅访问片,有人形容睇咗7分钟都觉得浪费生命,事关陈梓维开会带漏嘢,申报选举经费印漏嘢,连开区议会发言时都要隔篱个议员陈嘉朗帮佢揿着支咪,英文发言要帮佢翻译,而佢开口就系咁问印宣传海报3,000张每张要3蚊系咪太贵,搞到陈嘉朗都要提佢,印3,000张同2,000张分别唔大,咁追落去冇意思(见另稿)。

同《苹果》记者斗唔识

段片嘅最后,记者请陈梓维写低"逆转佐敦南"5个字,陈梓维问︰"『转』系『转向』个『转』吖嘛?"然后再向手机读出"逆转"两只字,想透过语音打字睇吓点写,点知结果两只字都依然写错晒。佢仲问记者︰"我有冇写错啊?"个《苹果》记者竟然只系话︰"个『逆』字写错",睇唔到个"转"字都系错嘅,其实系咪斗唔识字?

黄敬业"恭喜"选民

讲真,会考0分、毅进肥佬,大家对陈梓维已经冇乜期望,只系冇谂过真系咁差。网名"陈到"嘅"热狗"黄敬业亦分享咗嗰段片嘅几张截图,登特错字地揶揄道︰"佑(佐)郭(敦)南的居民有福了。你们要好好扶持陈议员呀。"再加上"香港人叻(加)油"、"五大拆(诉)求"、"决(缺)一不可"等标签去补刀。"Ivan Tam"就润班投票畀陈梓维嘅选民话︰"找直必拲熹尔(我真心恭喜你)。"

网上仲有好多讨论,仲令人谂起佢只收中文CV(履历表),唔收英文CV一事。"Ho Nam Leung"话︰"好×癫,真系文盲黎(嚟),仲话要收中文cv,口述cv算啦。""Walter Kovacs"形容︰"写中文履历俾(畀)佢都系歧视。""Wong Ka Hei"话︰"小意思啦,都系错两个字姐(啫),虽然佢只系写左(咗)两个字。""陈雪"反问︰"文盲?""陈到"抽水谓︰"心盲。我讲选民。"

网民:盲撑""恶果

"Chin Fung Felix Pang"就概括︰"呢个就系『黄色经济圈』既(嘅)问题,你唔理佢智障好,文盲好。一句『五大诉求』就屎都照食。报应就系所有买卖,包括政治人材(才)亦一样。只会越黎(嚟)越低质。"佢又话,唔系歧视学历低,但有啲嘢低学历同文盲真系做唔到,"从政,需要人文教育。有D(啲)野(嘢)系必须知,你起码要读懂-Sociology Political Science(社会学政治学)。这是从政所有人的基本知识。唔系只会贻笑大方。"

唔明外籍警官发言 要搵"人肉翻译机"

■英國籍總警司韋能治。資料圖片

■英国籍总警司韦能治。资料图片

陈梓维日前喺油尖旺区议会亮相,但就不停出丑。先系"传单"、"海报"傻傻分不清楚,又系咁质疑3蚊一张海报太贵,建议做贵多唔知几多倍嘅电视广告,呢种"何不食肉糜"嘅思维,即刻令人质疑佢一啲常识都冇。惨事仲未完,当日现场仲有警队旺角区指挥官,英国籍总警司韦能治嘅英语讲话,搞到旁边嘅议员要做埋翻译

因手写政纲、毅进肥佬、喺facebook专页"放闪"、唔识英文、一度话聘请议助要学历低过自己等,陈梓维近日都系网上热议人物。日前嘅区议会会议更见佢"优秀"一面,佢好积极咁发言,好"敏锐"咁质疑人哋提出嘅拨款项目,但就好快速咁暴露咗囥|未分清乜系"传单"、乜系"海报",同时又计唔清楚"3蚊一张嘅传单太贵"同"电视广告"究竟边个贵嘅代议士水平。

fb专页"关心"英语水平

对市民嚟讲,都系关心佢系唔系有为市民、社区做嘢,但去到陈梓维呢度,大家好似仲关心佢嘅英文水平有冇提高,甚至有网友专登为佢开咗个"每天关心陈梓维学习英语状况"嘅专页,不过恐怕陈议员要叫大家失望。

喺首次区议会会议上,陈梓维唔好彩遇到韦能治就太子花墟年宵的交通安排作讲解。陈梓维拿拿声戴上实时传译耳机,不过唔知系唔系翻译太"自我为中心",未能照顾到陈议员嘅程度,佢好快就取下耳机专心玩手机。

其实,听唔听得明会议内容,对陈梓维嚟讲根本唔紧要。去到之后,佢索性忠于自己,离开呢个令佢尴尬嘅会议室,直接接受《苹果日报》访问争版位。