首页 > 新闻 > 香港 > 正文

李柱铭突割席 揽炒即咒早死

■黎耀駿發文指「李柱銘可唔可以快啲死?」fb截圖

■黎耀骏发文指"李柱铭可唔可以快啲死?"fb截图

港区国安法即将立法,一直撑黑暴揽炒嘅"祸港四人帮"之一、民主党创党主席李柱铭亦同缩沙。佢日前喺接受外国传媒访问时突割席,话"提倡揽炒的人,他们一无所知"喎。唔少揽炒派中人即刻向佢开火,有人仲叫佢快啲死

《纽约时报》中文网日前喺报道中指,李柱铭在该报专访时称"『揽炒』哲学很幼稚,并说要求独立会让香港失去国际支持"、"提倡揽炒的人,他们一无所知"、"如果你发动一场革命,然后彻底失败,很多人会和你一起死。这对香港有什么帮助?"

报道一出,"青年新政"前成员黎耀骏睇完就好恶毒咁话:"李柱铭可唔可以快啲死?唔好再拖后腿了!手足流血牺牲换嚟嘅揽炒成果,你个老不死不断想中和返晒佢。求你了,『早死早着』,好吗?"

有意参加今年立法会选举嘅前"香港大专学界国际事务代表团"发言人张崑阳亦乘机发帖,将议题推升至所谓"世代之争",声称"年青(轻)人没有,也不可能有这种大中华情意结。我们成长于"中共最嚣张拔(跋)扈"之际,对和平没有一丝寄望。......"对中共仁慈,就是对自己残忍"。东郭先生对野狼仁慈,却遭其反咬一口。猛兽凶残,本性难移。野狼如是,苛政更甚"云云。

网民讥讽李两边不是人

"King Kin Hon"就咁回应:"宜家理应係佢地(民主党)嘅收成期,佢地当然想尽量减少改变,係世代斗争!""男儿当打交"就指:"其实你咪on××喺度扮中立做咩姐(啫),d蓝丝一早已经认定你们是乱港份子啦,搞到兩边不是人,为乜?"

"Dja_Djedje"就指:"因为你李柱铭今日拥有嘅物质太多,所以至认为提倡揽炒系无知。""最佳毒×"就质问:"我想问吓李柱铭住紧边度?系咪豪宅?""男朋友对眼好细"则闹佢:"真正食人血馒头,食足几十年!"

不过,都有网民觉得支持揽炒嘅人的确无知。"刘麦氏龙"咁话:"事实就系,其实自由唔系想象中咁重要,并唔系要付出条命去换取嘅嘢,如果系嘅话,神早已经革命咗,而香港人其实都唔系折堕到五餐温饱都满足唔到,所以叫人『勇武』? 算吧啦!""louislouis"都话:"有×人发动革命,系口革。""无尾bear"就觉得:"1年过去,揽炒争取到什么?8,000人被捕定国安法?系时候发完梦,落床睇下(吓)出边(面)个世界!"

来源:文汇报