首页 > 新闻 > 香港 > 正文

揽炒派讥阿婆"荣休"身有屎

人过留名,雁过留声,但人称"民主阿婆"嘅陈方安生又留低咗乜?噚日佢要退出政坛嘅消息一出,昔日同佢一齐"卖港求荣"嘅揽炒派马仔都捧到佢上天,但唔少揽炒派中人都非常鄙视呢啲言论,并狠批陈方安生根本对香港"民主"冇乜贡献,更有网民直言佢退场根本系身有屎,同乜80岁无关囉。

曾与陈方安生一样乐于去外国卖港求荣嘅揽炒派公民党党魁杨岳桥噚日喺facebook发声话,"感激"陈太"为香港多年付出,请多多保重。"佢党友郭荣铿就专登用英文话自己好荣幸同呢位"尊贵嘅女士"一齐服务,跟佢学习多年,再贴咗张同陈方安生、"专业议政"立法会议员莫乃光之前喺外国卖港求荣嘅合影。莫乃光都转发呢个帖文,反问香港仲有冇"良心"喎。

不过,唔少揽炒派中人都对呢啲擦鞋言论嗤之以鼻。"人民力量"刘嘉鸿喺facebook话:"任何人都有权退下来,旁人不必置喙。但睇见排山倒海式对一个民主credentials(信誉) 薄过纸、游行突然中途去恤发、一心斋等中共『让步』嘅『民主阿婆』善颂善祷,我夷然。"佢仲用hashtag提醒啲人"时为2020年",暗寸陈方安生之前搞"香港2020",结果到2020年就"缩人兼缩皮"。

网民"Henry Ngan"亦话:"请问佢民主(做)过d(啲)乜?""Chi Chuen Li"直言︰"系要退嘅话80岁大寿嘅时候就已经退咗啦,使乜几个月之后国安法出台(台)先至讲呢?""Sau Ping Ling"都觉"现在拣这个时间说退下来,明眼人睇出,因为她怕了,怕什么哩(呢)?""白纸 WHITE PAPER"话︰"一个(陈方安生)话退休,一个(祸港四人帮之一李柱铭)话唔好揽炒。耐人寻味。""Paterlik Lau "说:"善恶到头终有报。作恶几十年真的三言两语就可以避开一切恶报?......大家坐低慢慢等看呢套说因到果的故事结局吧!"

来源:文汇报