首页 > 新闻 > 香港 > 正文

揽炒派"鬼打鬼""黄丝"闹爆河童

■胡志偉重申絕不簽署確認書,更標註話「時窮節乃見」、「不為議席掉尊嚴」。 胡志偉fb截圖

■胡志伟重申绝不签署确认书,更标注话"时穷节乃见"、"不为议席掉尊严"。 胡志伟fb截图

见"泛民"拒签确认书即发难 网民斥霸道政棍

揽炒派"初选"中"胜出"的黄之锋(河童)等"抗争派",日前声称要和同样在"初选"中胜出的"泛民"商讨在签署拥护基本法、效忠中国香港特区的确认书时"齐上齐落",企图夹"泛民"上轿,讵料"泛民"中的民主党主席胡志伟随即发表声明称,自己不会签确认书,更称"不为议席掉尊严",令"抗争派"阵脚大乱。黄之锋随即发帖,不点名批评胡志伟"字里行间"暗批其他会签署确认书的候选人,是在初选过后"仍对同路人抱有敌视态度"。有"黄丝"狠批黄之锋"自己破坏团结焗人陪佢缩,仲掉转屈人"、"连签唔签确认书都婆婆妈妈,仲好意思学人讲抗争意志?"

包括黄之锋在内、一批自称"抗争派"的立法会选举参选者,大前日举行记者会话要同"泛民"商讨在参选时是否签署确认书,"一系一齐签,一系一齐唔签"。民主党副主席罗健熙随即发帖批评呢批"抗争派":"『民主派初选』系想减少正式选举时派系之间嘅争逐分票,希望可以整个版(板)块达到过半议席的目标。内部竞争已经喺初选里面做咗,而家系同保皇党竞争,咁签唔签仲有乜好拗?用呢样嘢嚟你夹我、我又反夹你又有乜意思?"

乳鸽批"抗争派"搵嚟拗

佢仲回带称:"梁天琦当年签咗(确认书)、上年区选之锋都签咗,大家唔会质疑佢......签唔签确认书对我嚟讲真系好枝节,亦唔会觉得签就矮仔唔签就好型。全部人签系咪以后就唔会有抗争?全部人唔签系咪个政府就会好惊?唔系丫嘛。咁何需煞有介事去讲签唔签呢样嘢呢。"

其后,胡志伟同"人民力量"嘅陈志全同谭得志就发帖话唔会签确认书,胡志伟仲喺fb发帖标注话"时穷节乃见"、"不为议席掉尊严"。点知黄之锋就发难,话"签署(确认书)与否不应沦为『民主派』互相比拚立场的辩题",称"签不签署至今仍未有国安法字眼的确认书,渐成所有候选人会见记者时,必定要回应的必答题。签确认书与否,在选举期间,容易被视作比拚激进取态的做法,这点尚可理解;但我担心的是,即使初选过后,签不签署这种争拗仍成为『民主派』互相指责的机会(这经已发生)"。

他更不点名批评胡志伟,"已有不只一位初选参与者,当中更包括政党领袖,在社交媒体表明拒签确认书。我想,表明立场是可以理解的,但若在字里行间暗批其他会签署确认书的候选人,争论有否尊严,在『初选』过后仍对同路人抱有敌视态度者,并不会是广大支持者乐见。"

唔少"黄丝"都睇唔过眼黄之锋嘅霸道。"Wan Shong Zhao"踢爆:"论坛你同李嘉达勇武非常,大声讲我唔签。哗啦啦而家嚟料啦要夹人,点知人地(哋)出post话唔签,又唔啱心水。"

唔啱心水即发文批斗

"Siu Fu Lam"就话:"唔好缩啦,记招又话要睇『泛民』表态先再决定签唔签,人哋表咗态咁你系同路人咪『齐上齐落』囉。依家出篇文嚟暗指人哋斗立场,咁样反而变咗分化/你同人哋比较抗争立场喎......""卫铭琛"亦指:"自己率先搵借口攻击同路人破坏团结,仲整定条罪倒转笠落人哋度。你地(哋)自己想签咪签囉,焗人陪你搵掩护仲要屈人,仲要用『齐上齐落』黎(嚟)包装自己!"

"Sharen SY"尝试为黄之锋开脱:"『人力』同民主党嘅打手真系非常呕心,一到选举咩『不分化不割席不完美可改善』全部抛诸脑后,互相批斗嘅最终得益者系边个?""Zacchaeus Rock Li"反驳:"然后(抗争派)开完记招要饭民表态,之后『快必』同胡志伟唔签,就话返饭民夹佢?""Gesta Popo"亦道:"你哋夹人签抗争声明就大大声,而家自己俾人夹返转头就话要倾?政棍!"

来源:文汇报