首页 > 新闻 > 香港 > 正文

鸽党弃选"区会一"网民讥被揽炒"独死"

立法会换届选举已经开始接受报名,呢几日各方人马都大张旗鼓报名参选,但系揽炒派民主党(鸽党)就好似人间蒸发咗咁,影都无只。不过,早前表明有意参选立法会区议会(第一)功能界别嘅鸽党赵家贤噚日喺facebook发文,话自己虽然党内嘅个人信任票获得通过,但由于中委会授权嘅小组喺参考党内议员投票意向后决定鸽党唔会派员出选区议会(第一),所以佢就无缘立法会选举。事件令网民都开始揶揄鸽党养狗咬萝柚,"作为区议会第一大党居然沦落到这地步,被后生仔无限欺凌",昔日嘅反对派盟主如今俾佢哋一手扶持嘅"抗争派"所排挤。

鸽党噚日喺facebook发文指党内举行咗区议会(第一)投票,结果系较多区议员唔赞成鸽党派员参与选举,而唯一参与党内甄选程序嘅东区区议会副主席赵家贤唯有话"理解及尊重党内议员意愿",又口响响话︰"希望『民主派』凝聚最大团结,击败『保皇党』,实现『35+』的目标,逼使政府回应『五大诉求』。"都唔知系咪想焗其他人表态嘞。

赵家贤发帖暗埋怨

其实,赵家贤好早之前就已经表明话想选区议会(第一),如今埋门一脚挞Q都伤得几重吓。不过,赵家贤都要扮晒嘢咁开post话无悔喎,仲声称"以香港前途作为最大考量"

网民就揶揄鸽党养狗咬萝柚,"FrancisCheung"就笑到辘地,"作为区议会第一大党居然沦落到这地步,被后生仔无限欺凌(凌)。""DavidChu"形容鸽党︰"被『港独』暴乱派凌迟处死。""ChauKimmins"就叫赵家贤唔好理鸽党,"不能被剥夺被选举权。"同时,亦有好多"黄丝"网民叫赵家贤加油同唔好放弃之类,然而咁都改变唔到佢身处鸽党无得选嘅事实。

来源:文汇报