首页 > 新闻 > 香港 > 正文

like数唔够何君尧 伍健伟"走数"唔辞职

星岛环球网消息:文汇网讯 揽炒派元朗区议员伍健伟早前为博出位,话如果一周内佢嘅fb专页like数不及立法会议员何君尧,就会辞去区议员一职;截至昨日下午6点半,伍健伟嘅like数由约8000个暴涨至14.9万,但噚晚何君尧fb嘅like数已升至16.7万,真系输足一条街。不过,伍健仲死撑唔认衰,声称"like数对我个人仕途,收入来讲,并无任何重大意义……当然我也不可能单单为了一个赞好而赌上整个政治生涯。"一众网民批评伍健伟走数,"诚信破产,讲过嘅嘢可以完全唔认数,讲到尾都系唔舍得5万人工,同泛民冇分别,都系死政棍。"

伍健伟就贴长文转而视线,宣布会将专页改名为"新界西地区议政平台",由议员同初选出线者共同管理;佢则会另起炉灶,重新建立个人专页。最后仲有一串hashtag(标签),包括"好多人话我斗唔赢系因为人哋会俾钱买Like"、"但其实由Day1开始我只系想香港人赢自己"喎。