首页 > 新闻 > 香港 > 正文

"龙粉"闹"渣哥"难食 对家寸返拖粮

■「龍門冰室」和「渣哥」粉絲互片。 資料圖片

■"龙门冰室"和"渣哥"粉丝互片。 资料图片

一边卖"鸡翼刺身"另一边厨房总辞 "黄店"为"细饼"互揭黑幕

"黄店"食"人血馒头"食得好滋味,但始终系塘水滚塘鱼,自己人经常为咗呢个细饼经常"大打出手",好似"龙门冰室"粉就不断同"大渣哥"嘅粉丝喺网上互揭黑幕。有"龙粉"近排就整咗个所谓"大渣狗美食展2.0",贴出包括"鸡翼刺身"嘅相出嚟寸对方啲嘢煮唔熟,仲数臭"渣哥"啲嘢有几难食。有追击"龙门"嘅网民则继续指控"龙门"刻薄成性兼拖粮,仲话导致几间分店嘅厨房集体辞职,真系互相展示所谓"食理念"之下嘅糜烂。

"龙门"馒头张一早就俾"渣家军"唱衰唱到街知巷闻,好多"黄丝"都话唔再帮衬佢,搞到生意差咗好多。

成日追击"龙门"嘅"Anita Wong"喺"伦敦人西先生手记"就连发两帖,爆料声称话今铺"龙门"大地震。

"龙门"被指一笔勾销花红奖金

佢声言,"龙门"今年1月仲赚紧钱时都cut员工花红,全年一毫子奖金都冇出过畀班员工,而所谓嘅"营业奖金"都系呃人嘅,加上馒头张7月同各间"龙门"宣布过,话最佳店铺会有奖金,结果又系不了了之,"冇人知道到底边间系最佳店铺,当然亦冇人攞过一毫子奖金。用『俾(畀)奖金』呢啲虚假承诺嚟呃员工同佢卖命,要找数时一句『营业额不达目标』就将花红奖金一笔勾销,吹佢唔胀,真系好有『良心』呀『良心老细』!"

"Anita Wong"又爆料,话几间"龙门"分店嘅厨房亦集体辞职,厨房人手严重不足,但馒头张就只系请返啲收70蚊一个钟嘅人返嚟顶档。有网民更话听过店长叫新人"求×其炒"。

"Anita Wong"就寸"龙门"︰"不过谂深一层又系嘅,班『龙门狗』系食理念唔系食味道嘅,横掂都系煮比狗食啫,求×其煮咪得囉!"

专踩"龙门"嘅网民就兴高采烈地留言。

"Steven Law"话:"(『龙门』)距离全线执笠不远,真心。""Ape Cheng"耻笑:"『聋门』d(啲)核突野(嘢)真系日日新奇单单好笑。""Ella Wong"亦质疑:"食『理念』,入『聋瞒』比(畀)钱打坐咪算囉,使×叫嘢食咩,邪教一样。"

"渣哥"被揭卖"人血薯条"

与此同时,"龙粉"亦猛咁攻击大渣哥。"Yan Wong"就喺facebook群组"渣家军人西炒车事件簿"数臭"大渣狗美食展",其后再搞所谓"大渣狗美食展2.0"。佢上载咗一批相,话"渣哥"啲太阳蛋连蛋清都系生嘅,鸡全翼同碗仔翅都唔够热,更形容系"埃塞俄比亚干柴冻鸡全翼"同"单骨鸡翼刺身",更离谱系一碟又唔系好食过人嘅薯条都要成28蚊,简直就系"人血薯条"。互相咁样"倒米"法,唔知"黄丝"会唔会转食其他餐厅算呢?