首页 > 新闻 > 香港 > 正文

揽炒派嗌建东九线 "黄丝":说好的抵制呢﹖

喺修例风波期间,揽炒派针对配合警方执法的港铁,不断恶意抹黑以至鼓吹罢搭港铁。不过,所谓"口中说不,身体很诚实",观塘、黄大仙及西贡区议会近日分别通过动议,话要一齐争取政府开展兴建东九龙线铁路项目,包括约见运输及房屋局局长,仲要采取联合行动云云。唔少九龙东揽炒派区议员喺facebook发布呢个消息后,有"黄丝"就质疑话:"说好的抵制『党铁』呢?"不过,不如问吓"黄丝"有冇搭港铁先啦!

为配合东九龙半山彩云道、佐敦谷以及安达臣道等发展计划,多年前《铁路发展策略》建议兴建一条长约7.8公里嘅东九龙线,铁路拟定由钻石山出发,连接彩云、顺天、秀茂坪、宝达及宝琳站。然而,运输及房屋局局长陈帆早前透露,港铁已经完成东九龙线报告,但由于铁路连接嘅线路过斜,唔适合列车行走,因此港铁会研究新技术,寻求解决方案,希望可以突破技术上嘅限制。

局长都讲到明条路过斜,唔适合列车行走,要交畀港铁研究新技术,但揽炒派区议员就死??唔放。观塘、黄大仙及西贡区议会近日分别通过动议,要求政府开展兴建东九龙线铁路项目,而喺fb发布呢个消息,包括由25个黄大仙区揽炒派区议员共同经营嘅"黄大仙联合议政",观塘区议员胡志伟、梁翊婷、梁凯晴及张敏峯等。

网民问梁凯晴做乜打脸自己

由于呢班揽炒派区议员之前"反港铁"反到出晒面,突然间又话支持港铁起多条线,当然会被"黄丝"质疑佢哋系咪跪低咗。"Edward Tsang"问:"说好的抵制『党铁』呢?""Joe Lam"问梁凯晴做乜打脸自己,"搞咩发展『党铁』呀女。"

所谓"有求就有供",揽炒派区议员上任以来只顾讨好"黄丝",现在讲要增建铁路,证明其实唔少口中讲"罢搭港铁"嘅"黄丝"身体好诚实啦!有揽炒派中人就话,佢哋所要求嘅东九龙线铁路项目,系要另外搵人做,唔畀港铁做喎,咁都得?

"黄丝"质疑揽炒派议员离地

有相对理性嘅"黄丝"就质疑呢班揽炒派议员离地。"Enuj Woowoo"说:"其实理性啲谂,地型(形)真系唔可行。""Sandy Lam"亦话:"唔系玩紧模拟城市,系现实中要顾及地形、地质、还有本来密密麻麻的大厦(厦)下的地基和各种管道。""Lsha Sha"更道:"如果慈(云)山起(港铁),大家要有心理准备,由工程开始至完结,嗰啲打地基打到你屋企幅墙有裂痕、沉降、漏水......你睇慈(云)山条行人天桥一起完咁快漏晒水就知几出色啦!"

来源:文汇报