首页 > 新闻 > 香港 > 正文

"庇暴教会"传道人员工互"割席"

●好邻舍北区教会发表"教会人事变动"声明。 好邻舍北区教会fb截图

好邻舍北区教会早前就被踢爆隐瞒1,800万捐款,该教会传道人陈凯兴夫妇仲立即同教会员工"割席",自己一早离开香港去咗英国,留低佢哋喺度帮自己执烂摊。唔知黄圈系咪"割"开有条瘾,锺意我"割"下你,你又"割"下我咁,所以教会有20名员工决定发起总辞"割"返陈凯兴转头。该教会最近就发声明扮大方咁反击,话"乃念各员工的劳苦,不追究未有依据合约劳资双方离职通知期及代通知金的法定权益"喎。

教会声明被批抹黑离职者

该教会20名员工早前发表声明批评陈凯兴,直言"望能以正视听,令公众对教会以至陈先生有更多的了解",仲话因为受保密协议所限,未能透露太多细节。该会一位前干事X接受媒体访问时就话"教会见到有员工被捕,但就只谂点样筹款,实在令人气愤",其中一位总辞声明发起人更加话"而家已经唔会选择相信陈凯兴"。

面对教会事后喺facebook发嘅声明,话会"宽松酌情处理"前员工嘅劳资双方安排。声明人Y就话,教会嘅声明会令到公众觉得佢哋大难临头各自飞、无义气,佢表示十分唔认同,又话教会声明中提到会提供法律支援,但其实都只系打畀"612人道支援基金",事后再畀多一两个律师电话咋。

由陈凯兴走佬去英国,到教会20名员工总辞,去到最近教会再发声明,成件事真系错综复杂。网民"我唔系黄子华"就话"教会又割,『黄丝』又割,呢班前同事唔系傻,到底咁吃力不讨好为乜。先系被僱主背叛,再黎 (嚟)俾『黄丝』批斗做五毛,到底呢班青少年干事得罪左(咗)边个?""30天可改名2次"就话:"如果陈凯兴其心不正或者作过假见证的,愿耶和华重重惩罚佢!""天然受遇上腹黑攻"亦指"依家系益左(咗)陈凯兴"。

陈凯兴系咪夹带私逃,成件事真系耐人寻味,有待警方调查。不过,佢哋三方"割"嚟"割"去之下,据知好邻舍北区教会只系净返5名员工,唔知佢哋会唔会又要求"手足"捐钱畀佢哋"渡过难关"呢?

 来源:文汇报