首页 > 新闻 > 香港 > 正文

贵圈真乱:庇暴教会讽"黄丝"唔睇字"盲捐"

好邻舍北区教会嘅丑事真系愈揭愈有,除咗早前教会同员工互相割席,令到教会员工所剩无几之外,最近教会又被踢爆拒绝向员工及传媒交代所得捐款去向,更加有教会内部人员直指"香港人真系唔睇字",暗示一班"黄丝"净系识得"盲捐"。

身为黄圈"自己人"嘅《苹果日报》报道,佢哋喺旧年11月初就向教会传道人陈凯兴查询教会账目问题,但陈凯兴就一直设法拖延,后尾直情无埋影。及后,有个自称教会代表嘅人反反覆覆咁话会作回应,但拖拖吓一样无咗件事。

据知,陈凯兴除咗拒绝同记者交代,更拒绝同教会员工交代。《苹果》话取得教会早前举行员工大会时嘅录音,讲到捐款问题,当中有人言辞尖锐话"香港人系真系唔睇字嘅"。唔知一班"黄丝"知道教会咁样形容佢哋,一堆玻璃心会唔会瞬间裂晒呢?

教会反驳《苹果》 批干事踢爆佢

被《苹果》踢爆账目混乱后,教会随即发声明称,账目一事已进入司法程序,目前不宜作出过多回应。同时又话自己并非如报章指"逃避不回"。教会唔单止一一反驳《苹果》新闻呀,最后仲要讲句"行在光明中的人,总要光明磊落",批评一班青年干事踢爆佢哋嘅所作所为。

网民"五毛pr狗有限公司"睇完成件事就留言话"黄色水鱼圈",有网民仲激动咁回应:"唉, 多得呢啲××又呃又偷又食,之后冚×富贵大×把钱走去外国,我哋就畀(俾)蓝尸(丝)笑到做『黄色水鱼圈』,天理何在!""11111111D"就批评陈凯兴话"临尾仲要开个patreon呃多笔,罢(摆)明几好揾(搵)喎"。

其实"黄圈"成日都搞众筹,但最后就逐单逐单俾人踢爆涉及诈骗或者洗黑钱,呢个所谓嘅"黄色经济圈"认真羞家囉。

来源:文汇报