首页 > 新闻 > 香港 > 正文

银行停信用卡 着草峯刷存在感

●张国钧就忍唔住喺fb出声质问许智峯。 张国钧fb截图

早前走佬去咗英国嘅立法会前议员许智峯,近日又走出嚟刷存在感,同大家继续讲自己啲信用卡俾银行取消一事,仲声言汇丰银行有政治考虑同侵吞盈余之嫌,要银行公开交代事件,仲要求监管机构调查喎。

许智峯喺fb发文,话汇丰银行以"商业决定"原因取消佢同家人嘅信用卡,仲列出3点"罪状"指控汇丰银行,要求佢地严正处理事件,否则会考虑其他国际上跟进行动。

唔找卡数俾银行停卡本身都合情合理,更何况系一个走咗佬连法律责任都唔负、家身在何方嘅人,银行梗系会出于各方面考量停你张卡啦。

张国钧:信用唔系人人都有㗎

民建联立法会议员张国钧就忍唔住喺fb出声质问许智峯:"你着(着)草畀(俾)人通辑,个人无信用仲攞乜嘢信用卡?其实符合国际标准,你估吓有冇美国银行肯开信用卡畀(俾)斯诺登,仲唔取消就真系要调查啦!信用唔系人人都有㗎,将来唔还钱银行追你又话政治迫害就唔好啦。"

网民都好认同张国钧嘅意见,"Wesley Chan"就话:"自己有理,咪返嚟据理力争,公开实情。自己有刑事在身,又唔面对法律责任,乜嘢都系政治迫害,定系有妄想症?我想(相)信狮子(汇丰)银行,多过许生。""Danny Chan"附和:"个人无信用又点(点)用信用卡呀,万一签完卡走左(咗)去,银(银)行点(点)揾(搵)你呀!""Bernan Hsui"亦话:"既然选择流亡外国就应该有骨气D(啲),断绝一切跟香港所有关系,包括信用额度!"

有网民就更抵死咁讲,其实许智峯三五七日就出嚟做show,真系怀疑佢所谓嘅"流亡"实质系一份工。但又咁讲,如果许智峯真系咁紧张佢啲信用卡嘅话,佢都可以考虑亲自返香港同银行"据理力争"喎。

来源:文汇报