首页 > 新闻 > 香港 > 正文

邵岚撑"暴政"谢美警 揽炒派闹爆双标

日前美国国会示威造成4死惨剧,其中一人更系被警察射杀。一直声称所谓"反警暴"嘅揽炒派,潜逃到外国就反过嚟支持美国政府嘅"暴政"。前"香港大专学界国际事务代表团"发言人邵岚仲喺社交平台向美国国会警察讲"多谢"。唔少揽炒分子都闹爆佢双重标准,讨好美国"新当权派"以继续得到"金援",叫大家唔好再俾呢啲"国际线"政棍呃。

喺美国国会惨剧发生之际,邵岚喺自己嘅Twitter贴出"Thank you Capitol Police"嘅言论,唔少网民话佢黑心、泯灭人性。"热血公民"成员郑锦满就喺facebook出post炮轰佢话︰"手无寸铁,服役美国空军14年嘅特朗普支持者Ashli Babbit被国会警察射杀,邵岚仲会喺Twitter多谢Capitol Police。呢啲离开香港,用香港人众筹嘅钱去打『国际线』嘅政棍,真心希望皇天击杀之!"

fb专页"白纸"亦忍唔住留言:" 泛民睇唔起泛民,直接揭露『国际线』的虚伪。老老实实,『国际线』不是视特朗普为救世主咩?人呢?梁继平(港大《学苑》前总编辑,在修例风波期间闯入立法会后潜逃美国)系(喺)边啊?"

"神驹":为搲美水丧心病狂

"无敌神驹"仇思达都加把口:"有一名美国退役女军人因为『追求真相同公义』,被警察乱枪击毙,本应人神共愤!呢件人渣竟然话要多谢警察!为咗托拜登大脚,务求喺拜登上台之后,想尽办法

被围攻嘅邵岚随后心有不甘再发文"澄清"话:"美国示威者走入国会唔可以同香港入立法会比, 因为一个『为民主牺牲』,另一个就系『破坏民主』。""神驹"就追击佢话:"平时大大声『遣(谴)责警暴』,今日就叫香港人唔好将美国同香港情况作比较,默许美国警察暴行。何解唔好比较?因为一比较起来,呢班友就会好尴尬。但明明之前同一班人,系会将香港示威者『占领』立法会,同台湾『太阳花学运』比较。伪善。"

"Vicky Chiu"就质问:"其实真心想问是谁支持什么『国际线』,不知所谓的一班人,见利忘义,香港靠这些人,吾(唔)怪得Hk冇运行。""Roy Lai"话︰"继续国际倒米阵线。"

睇返邵岚前年11月接受《德国之声》访问时就曾经指香港黑暴分子"合理使用暴力",仲话"和平示威者"是在"反击""保护自己"。当时指鹿为马嘅佢,到底点解去到外国成个人当堂醒晒,识得多谢警察镇压暴乱呢?真系佢自己心知肚明嘞。

来源:文汇报