首页 > 新闻 > 香港 > 正文

称"特工"开枪转移视线 "黄丝"无视击毙示威者

●"黄丝"喺连登撑美国以实弹对付示威者,仲话开枪嘅人系"特工"。 连登截图

为咗描绘出自己心中嘅画面,"黄丝"真系乜都噏得出。香港警方执法一向克制,但都系咁被"黄丝"针对,而美国警方日前实弹击毙喺美国国会嘅示威者,畀咗呢班成日吹捧西方"民主"嘅"黄丝"当头一棒。但匪夷所思嘅系,呢两日"黄丝"竟然开始喺网上作故仔,话乜美国国会死于当地警员实弹枪下嘅女死者"并非被警察射杀",仲话开枪嘅人系"特工",所以就开枪有理喎。哗!为咗转移视线,咁都得嘅?

黑暴肆虐香港成年,警方用吓催泪弹,啲"黄丝"都嬲到上蹿下跳,而日前美国国会发生示威,一名女示威者喺未有使用胡椒喷剂、警棍或催泪烟驱散下直接被击毙,相比之前,原本以为啲"黄丝"会反省下自己嘅"坚持",但估唔到佢哋仲有嘢讲。

"无人格的毒男"日前喺连登发帖企图转移视线:"撑Trump女示威者并非被警察射杀,而系比(俾)保护彭斯既(嘅)特勤人员射杀。从片可见系西装友开枪,着(着)西装既(嘅)多数系特勤局人员,而并非警察。"

好,即使杀人者"唔系警察",但都系美国政府嘅治安人员嚟嗰噃,话杀人就杀人?"Calamine"直言:"呢个假设会唔会太恐怖?如果呢个假设成立,即系该特工可以随意射杀任何人。""甘草甘草"亦反驳:"开枪警告唔得?第一下就headshot(射头)?""C.Martin"揶揄:"你咁讲系咪G4杀香港示威者就合理?"

不过,"黄丝"始终都系双重标准嘅。"三粒腰果"就撑美国警察发射实弹:"如果个女人……身藏有炸弹呢?议事厅里(里)面系坐满成个美国最高层政要,当时咁嘅情况,你系特工你点处理?""可唔可以揽下我"讲得更"恐怖":"(国会山庄)入面全部政府重要官员,你用平民条命黎(嚟)比?一定系有杀错,无放过!"

来源:文汇报