首页 > 新闻 > 香港 > 正文

蠢黄受煽移英中晒伏 如今失业欲返港

星岛环球网消息:香港文汇报讯(记者 黄书兰)英国疫情持续严重,近期更涌现致命变种病毒,经济又因脱欧的不明朗而陷入衰退期。为吸纳香港的人才和资金,英国早前推出所谓BNO"5+1"入籍政策,企图将港人变作其"二等公民"。受黄媒误导,唔少黄丝草率决定放弃香港家园,赴英申请移民。不过,事实系残酷嘅。现时英国失业率、裁员人数屡创新高,唔少港人英文水平不足、对当地文化了解低,搞到搵唔到工,经济更系陷入拮据。唔少赴英港人求助无门,甚至错信"朋友介绍",俾人呃钱,都呻"贴钱买难受"。英国搵食咁艰难,生活习惯、文化、气候又令人难以适应,打退堂鼓返嚟香港,睇嚟就系佢哋嘅唯一出路囉!

微信图片_20210226101408

赴英两月就回流 被讥顶唔顺低资

英国推出所谓"5+1",唔少黄丝轻率赴英申请移民,抵埗冇耐已经后悔莫及。"港英飞机车大砲" 日前就上载一张"手足"嘅帖文截图,见到"手足"呻有朋友赴英两个月就要返香港,仲要转机同自费酒店接受隔离。唔少网民都话意料中事,"当佢搵到工做,发现得最低工资,扣晒支出后所余无几,玩多1-2年,发现顶唔顺接受唔到又回流。"该"手足"喺帖文咁话:"朋友由香港用LOTR入咗英国境就呢两个月,想番(返)香港……今次番(返)香港要住指定酒店隔离21日,我download张酒店list睇,单人房每日最平$450,最贵$5,000。宜家英国番(返)香港无direct flight,仲要先飞去其他国家,即系前后隔离超过21日。"

"有咩本事劲过欧洲人?"

唔少网民都话英国失业率高,可以话系意料中事。"Chi Hou Tang"话:"半年后应该有第一波回流潮,当地失业率咁高,香港人有咩过人能力压过 LOCAL 同 EU 人?当佢搵到工做,发现得最低工资,扣晒支出后所余无几,玩多1-2年,发现顶唔顺接受唔到又回流。"

微信图片_20210226101422

"Billy Haha"就话:"一早大把在英人士讲过啦,畀(俾)班非在英人士×到变向日葵。""Tszon Chan"都话:"香港人三分钟热度,顶唔顺既(嘅)好快会返来香港……"有网民更细数当地天气有几难顶。原名叶键濠嘅商业电台节目主持健吾咁话:"天气真系要适应。一年得10日有太阳既(嘅)日子真系会癫。""Yu Keung Hui"就话:"我都曾经系(喺)英国读过书……冬天一个人,九点入班房,四点出班房,全日无见过阳光,然后有少少 depression。"

经常分享英国生活嘅fb专页"伦敦人妻先生手记"都发帖话:"唔好见到啲KOL过到黎(嚟)好梳乎咁就跟埋过黎(嚟),你点知人地(哋)银行户口有几多钱?每个月赚几多你知咩?中左(咗)六合彩、俾富豪包、承继巨额遗产难道又要同你讲咩?同埋大家上网都系post开心野(嘢)为主架(㗎)啦,唔通我日×日喺度呻咩?"

帮黄丝搵工翻译?"卖猪仔"唔熟唔食

俗语话"人贵自知",唔少黄丝喺赴英申请移民后,先认清自己英文差,喺英国搵唔到食。有"手足"日前就喺tg建议,开"人力资源公司"帮条件低嘅香港人喺英国搵工,仲话做埋翻译喎。不过,唔少网民都笑治标唔治本:"佢嘅意思应该系好似以前咁卖猪仔。"

微信图片_20210226101425

网民耻笑以翻译帮条件低港人搵工系笑话。fb截图

有"手足"喺网上建议开设所谓"人力资源公司",帮条件低嘅香港人喺英国搵工,fb专页"回流英国后的花生爆谷"日前就发帖话:"咁揾(搵)到工之后,个翻译要唔要将来一齐返工每日翻译?你哋会认为有个翻译帮香港人协调,会唔会令英国人老板更有信心请嗰位有需要嘅香港人?"佢仲标签:"我谂起福地笑话有人带家长去见工!"

有网民就觉得开"人力资源公司"帮人搵工翻译不切实际,只系压榨黄丝嘅掠水噱头。"J.T. Freedom Walker"话:"好多放租果(嗰)啲人够话系帮香港人,结果咪贵人地(哋)当地果(嗰)啲盘一两倍。"佢又标签:"唔熟唔食!""贼性难改!""Gloria So"就话:"佢嘅意思应该系好似以前咁卖猪仔。""Sharkdudu Wong"更话:"索性做相亲公司假结婚唔好?唔使搞咁多!"

"手足"一系掠水一系嫌弃

唔少"手足"则嫌弃英文差嘅黄丝,话唔值得帮。"Jade Chan"话:"用自己『信用』乱推荐,如果条友烂泥,英国人一定认为成个香港组群系靠关系嘅垃圾囉,系lose lose呀!""Nat Li"都话:"搅(搞)到好似做社工帮轻度智障既(嘅)患者搵工咁。""TeRry Tang"就慨叹:"各家自扫门前雪……"

有网民亦指入籍、搵食都要考英文,"手足"冇人可以靠。"Roger Yu"话:"其实系唔系唔记得5年后要考英文同life in uk 呢?"

唔知行情做阿Q "碗都冇得畀你洗"

英国为吸纳港人资金,早前推出所谓BNO"5+1"入籍政策,令唔少黄丝对移民充满幻想,但唔少港人赴英后先知现实很骨感。好似喺英国工作假期嘅前旅游记者Sonia,早前就喺英国失业7个月,日前佢接受电视访问时就话,有朋友喺当地仲失紧业,亦有港人俾人呃,道出欧洲应征者喺英国比香港人有优势嘅事实。不过,呢番话就惹嚟fb专页"90后移民英国打工实录"发长帖批评:"唔好对自己嘅经验『妄自菲薄』"喎。搞到Sonia都忍唔住发帖反驳:"英国经济好差,失业率高系事实……你想洗碗都无碗比(畀)你洗啦。"

哈英专页煽念力搵工得啖笑

就Sonia日前喺电视节目话英国经济差,港人喺当地求职冇优势,搵工好难,"90后移民英国打工实录"日前就发长帖指责佢放负:"唔好对自己嘅经验妄自菲薄……每个行业都有佢嘅demand and supply(需求供应),唔能够话死揾(搵)系要做同一行架(㗎)喎……唔知点样去prepare(准备)个interview(面试)啦,亦都唔知其实send(寄)咗几多CV(履历表)出去啦,send出去嘅CV有冇tailor-made(特制)啦……一句『八个月搵唔到工』冇咩参考价值……点解唔可以正面啲话『我唔使一年就搵到工喇』……"

俾人教授"阿Q精神",Sonia就喺fb以"呢位Page主既(嘅)逻辑真系令我笑死,大家真系要小心过滤信息"为题发帖反驳:"唔知佢系(喺)边度见到我地(哋)有讲过话『系要做同一行』,而且我成日都话英国经济好差,失业率高系事实,我之前就算系请厨房助理/发型师/CS(客服)都几百份CV(履历表),Demand(需求)大竞争都大,你想洗碗都无碗比(畀)你洗啦。"

佢话:"我之前YouTube都有分享过一D搵工技巧同提醒大家要Tailor Made CV(特制履历表)……另外我无记错呢位Page主好似系喺英国打算做地盘,系咪谂住叫晒(晒)全香港移民既(嘅)专业人士去英国做地盘?……你自己又失业过8个月未?思想正面少少系咪就可以即刻进行光合作用当饭食?"

唔少网民都笑有人逃避现实,讲嘢不负责任。"好pure好true"话:"真话唔系个个锺意听!"fb专页"活在本初子午线 My Life in GMT00"就话:"而宜家好多人,自己喺英国脚都未企稳就教人呢样果(嗰)样,真系有经验就话啫,好多其实都唔知自己做紧咩,×Up(噏) 真系唔使负责㗎!"

"Kevin Ho"就话:"好多人好快会撞板,周街都系世界各地elite(精英)同专业人事(士),要问自己无network(人际网)同 local experience(当地经验),无当地专业牌,employers(僱主)会点唸(谂)?"

"Alfred Poon"亦揶揄一番:"只要有大爱,就一定搵到工作,最多无粮出咁解!做人一定要正面思考,就算两三年搵唔到工,也可以当做一种磨练,顺便可以学习光合作用产生养份,以天为幕,地为床,学习户外生活,唔洗(使)交租!仲有,必要时英国政府一定睇住你!用对眼!保证!"

"手足"丧闹黄中产:"煽人暴冲自己松"

揽炒派前年煽搞黑暴,一句"齐上齐落"令逾万人涉嫌违法被捕,其中学生更占四成。不过 ,随着英国推出所谓"5+1",唔少当日有份怂恿黑暴嘅中产黄丝,都话要移民英国。唔少"手足"都闹爆班"同路人""叫人冲,自己松":"咁嗰一万个俾人拉嘅岗位就系做condom……"

好似网民"永渎云爷爷"日前喺"连登"以"好心你班中产拣移民既(嘅),当初就唔好推班后生仔出嚟"为题发帖话:"今时今日你班中产个个话走,如果当初拣移民既(嘅)咁班后生唔会同你搏命,系你地(哋)欠咗班后生,依()家班后生既(嘅),死既(嘅)死、 伤既(嘅)伤、『 失踪既(嘅)失踪』,仲未计大量定咗罪,点移民?一班后生既(嘅)前途就比(俾)你地(哋)呃咗,自己坐享其成, unun脚走佬,仲美其名话自己打国际线,收下×啦×你老×!""为生活移民既(嘅)唔×系同路人!"

违法"前线"变晒"归英祭品"

唔少"手足"都深有同感,闹班所谓"同路人"过河拆桥。"沁碎小暧"话:"其实佢(楼主)意思系,前线出黎(嚟)系因为『齐上齐落』,『煲底见』,『以死相博(搏)』,但似乎现实系黄丝冇真系去到口讲咁尽,反而系半放弃呢场『运动』""人生有22"就话:"咁嗰一万个俾人拉嘅岗位就系做condom……""SuhrSignature"都话:"人性本恶,只有为利益而『同路』!"

但有网民就觉得系"手足"无脑,自己攞嚟。"T九"话:"所以我不嬲话on×先反政府,明知班中产会走,比(俾)人捉既(嘅)后生唔抵可怜。""龚仁富大哥"就话:"美其名向个政府抗争,其实就破坏社会,啲『勇武派』都系欺善怕恶,绝大多数都系搞手无寸铁普通人同商户,见到警察好似啲曱甴四围跑,但就够胆放火烧异见人士,自己冇能力移民就唔抵得班中产可以。""GME股神(破产)"亦曲道:"你死你事,我移民先,你班×街唔去死,边会有人比(俾)我地(哋)移民!"

贪英减免印花税 港人买楼变水鱼

英国早前因应经济萧条,减免物业印花税救市,至下月底结束,唔少想移民英国嘅黄丝却以为有着数,鸡咁脚过去买楼,随时贪字得个贫。网民"Annie Ng"日前就喺fb专页"英国香港人生活交流区"发帖,话佢家姐为赶印花税减免结束前买楼,经香港人朋友介绍搵咗个收3,000英镑嘅装修判头帮手,点知个装修判头喺帮手协商买屋时,竟擅自接受业主抬价,仲呃人哋价钱包家俬,最后买唔成,又老作借口唔肯回水。买楼都"赶住去投胎"?梗俾人当做"水鱼"啦!有网民咁话:"贪心总是容易畀(俾)人呃!"

"Annie Ng"日前发帖讲:"家姐想赶3月31日前成交,一路系咁睇楼。咁啱,香港人朋友介绍,识左(咗)个builder(叫佢做A),A又讲到自己识好多律师,surveyor。一定3月31日前搞掂,可以帮家姐悭印花税。收£3,000,包俾(畀)律师费同surveyor report 费用……A话若买唔成功,可退£3,000。A就劲积极帮家姐make offer一间心仪的屋,又代表佢同律师倾。中间,agent话业主抬高左(咗)价,A自己代家姐accept(应承)左(咗)。仲呃我家姐系包家俬价钱。"

卖家装修商律师斗耍太极

"最后,间屋有d(啲)问题,放弃左(咗)买。请A退返钱时,可能觉得无得赚装修费。A就用好多借口,话俾(畀)左(咗)一部分律师费,及已full paid surveyor report。虽然surveyor report 未做,佢话要等survey company退钱先,先可退返俾家姐。同埋,话survey Co. 会有取消booking手续费。太多借口,咁就自己问律师及survey co.,律师话收错取消买卖费用,已退返钱。survey Co. 就话无收过钱,亦无咩取消booking费用。"

"Annie Ng"仲话担心个装修判头唔会退钱,又质疑点解律师都会收错钱,又无单据:"因A为求赚钱,不拣(择)手段。疑心重的我,会觉得A同律师夹埋。但律师是property agent介绍的,点会为少少钱咁样做?"唔少网民都觉得"便宜莫贪",一听个装修判头包咁多嘢,就知系伏。"Ringo Ho"话:"一个骗,一个极贪,一拍即合。系冇可能乜都包㗎!英国有啲律师系收现金㗎!聪明应该知道点解律师要收现金啦!咁你明点解会收错钱啦!""Lea Nne"就话:"英国买屋冇中介费,agent fee是收卖家,订金也是交给自己律师,也有律师no completion no fee,一开始就先收费好重骗案味。"

"Annie Ng"喺回应时就认贪心:"因为有贪同急的成份麻(嘛),急3月31前,贪方便,贪stamp duty holiday。有位俾人入。""Shirley LY Koo"都话:"所以唔好抱赶住3月31日前complete心态,如果唔系间屋唔啱或比(俾)人骗仲衰!" 有网民则认为事件只系冰山一角。"Victor Li"话:"一如所料,买楼苦主陆续出现。买定大量花生待睇戏!"