首页 > 新闻 > 香港 > 正文

揽炒又发"独"论 狂言"烧死"建制

激进揽炒派追求嘅香港究竟系乜嘢样?日前佢哋畀出答案,原来就系会用恐怖酷刑对待建制派人士。近日就有唔少揽炒派喺连登妄想香港"独立"之后如何"处决"建制派人士,唔少人扬言用"当街烧死"等种种恐怖酷刑。如此灭绝人性嘅话都讲得出,原来呢啲就系佢哋追求嘅香港社会,任何有良知嘅人都唔应该再同呢班人为伍。

揽炒派喺前年修例风波期间,火烧市民、打砸商铺等所作所为,已经叫全世界领略到佢哋嘅惨无人道。而经过咗咁耐,都仍有人死性不改,系咁想香港变得激进分化。

连登仔"花生酱走奶"日前喺连登以"香港『光复立国』之日,应如何『处决』建制派人士?"为题发帖,则引嚟唔少狂徒跟帖,扬言要用极残忍酷刑对待建制派人士,言论犹如恐怖分子。

好似"贺拔岳"称:"公开处刑,可以参考下(吓)中世纪烧女巫、阿富汗塔利班石刑、满洲式凌迟。"

"坚离地陈豪"亦称:"满清十大酷刑,但要俾(畀)我拣嘅话,我会拣用十字架呢个酷刑,够残忍啦!"

"yinnlaa"更扬言:"当街烧死。"残忍程度令人咋舌,可见揽炒派近年标榜嘅所谓"民主"理念早已变质,同和平、多元包容嘅真正普世价值及香港核心价值完全背道而驰。

来源:文汇报