首页 > 新闻 > 香港 > 正文

黄家华速闪人 退讼党保平安

●"N.T.监察联盟"揶揄公民党变成"公厕党"。 fb截图

星岛环球网消息:文汇网讯 近日公民党嘅退党名单又添一人,佢就系做咗接近廿年区议员嘅黄家华。相比其他早前高调宣布退党嘅公民党成员,黄家华可谓走得静悄悄,直至近日俾传媒查询时先承认自己一早递咗退党信,而且上月已经生效。至于退党原因?佢就声称冇咩特别,想退就退喎。有网民就揶揄公民党同公厕一样可以自出自入,俾人攞完光环后就头也不回咁讲ByeBye。俗语话"烂船都有三斤钉",

自2004年起担任荃湾梨木树西选区区议员至今嘅黄家华,早前回覆传媒查询时承认上月已经退党,话自己一直专注地区工作,咁多年嚟只出战过一次立法会选举,仲要排喺名单较后位置,冇谂过喺政治生涯上"更上一层楼",所以"想退党就退党"喎。

翻查资料,公民党去年中开始爆发退党潮,喺立法会前议员陈淑庄宣布退党及退出政坛后,杨岳桥、谭文豪、郭家麒等其余立法会前议员亦相继退党,退出该党嘅区议员亦唔少,包括伍月兰、陈诺恒、冼豪辉、谭家浚、俞竣晞、郑达鸿、李予信同郑文杰,而去年11月被取消议员资格嘅郭荣铿亦已宣布退出政坛,虽然佢至今冇公开宣布退党,但据悉佢已经几个月冇理过该党嘅内部事务。不过,呢班公民党前成员早前都有透过fb或者传媒高调宣布退党或者退出政坛,今次黄家华退咗党一排后俾人问到先认,真系够晒低调。

fb专页"BlueBase"转发黄家华退党嘅报道,揶揄黄家华可能"不想人生更精彩"而"退党保平安",认为对黄家华嚟讲"最紧要有粮支"。fb专页"N.T.监察联盟"亦转载报道,揶揄公民党已经变成"公厕党"。网民"Yiu Chung Yeung"就形容黄家华系"投机主义者"。"Winnie Chan"就见怪不怪:"墙边草!多的是!"住梨木树嘅"Kevin Lee"就批评黄家华:"晌(响)梨木树一年都浦(蒲)唔到两次头……哩(呢)两个×街,未有暴动前晌(响)社区都仲叫有D(啲)贡献,成日晌(响)社区度派吓物资俾(畀)公公婆婆同D(啲)弱势社群,连任后已经实时黄虫现形,唔再做社区工作。"